കഴിഞ്ഞ 5 വർഷങ്ങളായി മംഗലം ഡാമിലെയും അട്ടപ്പാടിയിലെയും കുട്ടികൾക്ക് നിരവധി സഹായങ്ങളാണ് മമ്മൂട്ടി എന്ന മഹാനടൻ ചെയ്തുകൊടുക്കുന്നത്. പഠനോപകരണങ്ങൾ, വൈദ്യ സഹായങ്ങൾ, പിഎസ്സി കോച്ചിങ്, ലൈബ്രറി സപ്പോർട്ട്, വിദഗ്ദ്ധ ചികിത്സ സഹായങ്ങൾ ഉൾപ്പെടെ ഒട്ടനവധി സഹായങ്ങൾ മമ്മൂട്ടിയുടെ കെയർ ആൻഡ് ഷെയർ ഇന്റർനാഷണൽ ഫൗണ്ടേഷൻ വഴി അട്ടപ്പാടിയിലെ കുരുന്നുങ്ങൾക്ക് എത്തുന്നുണ്ട്. കഴിഞ്ഞദിവസം തങ്ങൾ എന്ത് ആവശ്യപ്പെട്ടാലും അത് നടത്തി തരുന്ന പ്രിയപ്പെട്ട നടനെ കാണാൻ കുട്ടികൾ വരിക്കാശ്ശേരി മനയിലെത്തിയത് വാർത്തയായിരുന്നു.
