റേഷൻ ഗുണഭോക്താക്കളുടെ ഇ- കെവൈസി പൂർത്തീകരിക്കുന്നതിനായി കേന്ദ്രം സർക്കാർ അനുവദിച്ച സമയപരിധി മാർച്ച് 31ന് അവസാനിക്കും. മഞ്ഞ, പിങ്ക് റേഷൻ കാർഡുകളിൽ ഉൾപ്പെടുന്നവരുടെ കെവൈസി പൂർത്തീകരിക്കുന്നത്തിനുള്ള സമയപരിധിയാണ് അവസാനിക്കുക. ഇനിയും പൂർത്തിയാക്കാനുള്ളവർ റേഷൻകടകൾ, താലൂക്ക് സപ്ലൈ ഓഫീസുകൾ മുഖാന്തിരം നടപടിക്രമങ്ങൾ പൂർത്തീകരിക്കണമെന്ന് പൊതുവിതരണ ഉപഭോക്തൃകാര്യ കമ്മീഷണർ അറിയിച്ചു. കെവൈസി പൂർത്തിയാക്കാത്തവരുടെ റേഷൻ വിഹിതം തടസ്സപ്പെടാൻ സാധ്യതയുണ്ട്.
റേഷൻ കാർഡും ആധാർ കാർഡുമായി റേഷൻ കടകളിൽ നേരിട്ടെത്തിയാൽ മസ്‌റ്ററിങ് പൂർത്തിയാക്കാവുന്നതാണ്. കാർഡുടമകൾ നേരിട്ടെത്തി ഇ പോസ് മെഷീനിൽ വിരൽ പതിപ്പിച്ചാൽ ബയോ മെട്രിക് വെരിഫിക്കേഷൻ പൂർത്തിയാകും.
