നടന്‍, സംവിധായകന്‍,മിമിക്രി കലാകാരന്‍ എന്നീ നില കളില്‍ ശ്രദ്ധേയനായ ഹനീഫ് ബാബു അന്തരിച്ചു. ഞായറാഴ്ച സംഭവിച്ച വാഹനാപകടത്തെ തുടര്‍ന്നാണ് മരണം സംഭവിച്ചത്. ഓമശ്ശേരി- കോടഞ്ചേരി റോഡില്‍ കോടഞ്ചേരി ശാന്തി നഗര്‍ ഭാഗത്തു വെച്ചാണ് ഞായറാഴ്ച രാത്രി ഹനീഫ് അപകടത്തില്‍പ്പെട്ടത്.ഇദ്ദേഹം സഞ്ചരിച്ച സ്‌കൂട്ടര്‍ നിയന്ത്രണം വിട്ട് മറിയുക യായിരുന്നു. റോഡില്‍ വീണ പരിക്കേറ്റ ഹനീഫിനെ ഉ ടന്‍ കോഴിക്കോട് മെഡിക്കല്‍ കോളെജില്‍ എത്തിച്ചെ ങ്കിലും അദ്ദേഹത്തെ രക്ഷിക്കാനായില്ല. മരണശേഷം നടത്തിയ പരിശോധനയില്‍ അദ്ദേഹത്തിന് കൊവിഡ് സ്ഥിരീകരിച്ചിട്ടുണ്ട്.സ്റ്റേജ് പ്രോഗ്രാമുകളിലൂടെ ശ്രദ്ധ നേടിയ കലാകാര നാ ണ് ഇദ്ദേഹം. നടന്‍ പപ്പുവിന്‍റെ ശബ്‍ദം പൂര്‍ണതയോടെ അനുകരിച്ചിരുന്ന ഹനീഫിനെ ജൂനിയര്‍ പപ്പു എന്നാണ് അറിയപ്പെട്ടിരുന്നത്.
മുംതാസാണ് ഭാര്യ. റിന്‍ഷാദ്, ആയിഷ, ഫാത്തിമ എന്നിവരാണ് മക്കള്‍.
